Los trabayadores de Vesuvius lleven les sos reclamaciones a Bruxeles

Piden midíes que dexen revertir una situación que califiquen de "inxusta"

Los trabayadores de Vesuvius llevaron les sos reclamaciones a Bruxeles. Hasta ellí foi una representación del comité d'empresa acompañada polos máximos responsables de CCOO n'Asturies.

Pela mañana axuntáronse con Luis Ángel Colunga, el que fuera director xeneral d'Industria del Principáu y actual vicesecretariu xeneral del sindicatu IndustriAll Europe.

Tamién se van axuntar col comité d'empresa européu de la multinacional. El mensaxe que lleven a Europa ye la esixencia de midíes que dexen revertir una situación que calificaron de "inxusta" y que los dexa nuna situación de “indefensión absoluta".