Los tresportistes autónomos ratifiquen un paru indefiníu

Les fuerces de seguridá torguen que la tractorada ganadera llegue al centru de Madrid    

Los tresportistes autónomos aprueben un paru indefiníu en toa España. La Plataforma Nacional pola Defensa del Tresporte consiguió'l votu mayoritariu de los asistentes a la reunion esta tarde.

Consideren que se sigue como en 2022, cuando tamién convocaron paros.

Les fuerces de seguridá torguen que la tractorada ganadera llegue al centru de Madrid

Los tresportistes súmense a les movilizaciones de los ganaderos que güei protagonizaron cortes de carretera en dellos puntos d'España y un amagu d'entrar colos tractores nel centru de Madrid.

La plataforma 6F fixera un llamamientu a colapsar la capital col enfotu de llegar colos vehículos hasta la sede del PSOE, na cai Ferraz. Finalmente, malapenes una ventena de tractores averáronse pela A-3, l'autovía que vien de Valencia.

Un ampliu dispositivu policial torgó qu'entraren en Madrid, por ser una protesta pa la que nun se pidió permisu nin taba autorizada.

De la convocatoria desmarcáronse les organizaciones agraries más representatives.

Dende'l pasáu martes, les fuerces de seguridá detuvieron a 31 persones y identificaron pa sanción a 8.400.