María Calvo promete construyir una FADE "independiente, dialogante y esixente"

Calvo ye la primer muyer en ser la presidenta de FADE dende la so fundación en 1977

La nueva presidenta de la Federación Asturiana d’Empresarios (FADE), María Calvo, prometió que construirá una patronal "independiente, dialogante y esixente", que trabayará na búsqueda d’alcuerdos "ensin renunciar a los sos intereses".

L’hasta agora vicepresidenta de la patronal asumió la presidencia de FADE en sustitución de Belarnino Feito, que dexó’l cargu cuatro meses enantes d’agotar el so mandatu, dempués de ser proclamada esti miércoles máxima responsable de la organización nun procesu electoral al que nun se presentó nenguna otra candidatura y que tampoco rexistró nenguna impugnación.

Nel so primer discursu al frente de FADE, Calvo, primera muyer presidente dende la so fundación en 1977, señaló que los empresarios asturianos afronten una de les "etapes más importantes" de la historia pola crisis sanitaria del coronavirus, qu’esixirá "trabayu y nueves capacidaes p’adaptase".