Monteserín destaca l'entornu industrial que lliberen les bateríes d'Arcelor

Nueva xunta de trabayu sobre'l cese de l'actividá de les bateríes de coque

L'alcaldesa d'Avilés, Mariví Monteserín, declaró esti martes que'l final de les bateríes de coque d'ArcelorMittal y el suelu que lliberen nun llugar loxísticamente privilexáu crea unu de los entornos industriales más interesantes d'Europa.

Na so opinión, esi suelu tien capacidá pa captar nel ámbitu internacional inversiones de futuru.

Monteserín fizo estes declaraciones a la so llegada a la sede de Sepipes, onde celebró una nueva xunta de trabayu sobre'l cese de l'actividá de les bateríes de coque.