Parter va presentar en tres meses el so plan estratéxicu pa la planta d'Avilés

E'l Principáu "nun va escatimar medios" nin "esfuerzos de nengún tipu" pa collaborar

El fondu suizu Parter Capital, nuevu propietariu de la planta d'Alcoa n'Avilés, va presentar nel plazu de dos o tres meses un plan estratéxicu que garantice'l caltenimientu de l'actividá económica y l'empléu na fábrica asturiana.

L'anunciu fízolu'l conseyeru d'Industria, Enrique Fernández, tres axuntase colos directivos de Parter Capital Rüdiger Terhorst y Christoph Terrahe, un alcuentru al que tamién asistió la delegada del Gobiernu, Delia Losa, y l'alcaldesa d'Avilés, Mariví Monteserín.

El conseyeru punxo de manifiestu que'l Principáu "nun va escatimar medios" nin "esfuerzos de nengún tipu" pa collaborar cola dirección de la planta d'Alu Iberia d'Avilés de cara a sirvi-y d'aliáu nel so nuevu proyectu industrial y consiguir que sobreviva más allá de los próximos dos años.

"Son munchos frentes nos qu'hai que trabayar de forma conxunta col oxetivu final del caltener l'actividá económica y l'empléu n'Avilés", resaltó.

La delegada de Gobiernu señaló, pela so parte, que Parter garantizó'l caltenimientu de los empleos y la esploración de nueves llinies de negociu, que podríen faer posible una medría de los puestos de trabayu si van alantre.