Tres de cada cuatro economistes creen qu'Asturies empeorará en 2023

L'Económetru Asturies 2022 ta fechu a partir de la opinión de 291 inxertos nel Colexu d'Economistes

Cuasi dos de cada tres economistes asturianos creen que la situación económica actual del Principáu ye "peor o muncho peor que va un añu" mientres que tres de cada cuatro piensen que, amás, "empeorará l’añu qu’entra".

Esta ye una de les conclusiones de la cuarta edición del Económetru Asturies 2022 que se fizo cola opinión de 291 inxertos nel Colexu d’Economistes d’Asturies (CEA) -el 18,5% del colectivu- que participaron nuna encuesta fecha ente’l 3 de marzu y el 18 d’abril.

Na rueda de prensa de la presentación d’esti informe, el decanu-presidente de la CEA, Abel Fernández, solliñó que si se ficiera esta amuesa agora "de xuru" qu’amosaría unos resultaos entá más pesimistes, y alvirtió que la mala situación de la economía tendrá un periodu más llargu del que se pensaba, porque los meses vinientes sedrán "complicaos", con un inflación en medría que "nun será circunstancial" y a unos tipos d’intereses penriba de los previstos.