Triditive va crear 20 puestos nes sos nueves instalaciones en Siero

Va fabricar pieces industriales y material sanitario de manera rápida y so demanda

Siero va allugar Triditive, la empresa con mayor capacidá de producción instalada d'España. Gracies a un préstamu participativu de mediu millón d'euros concedíu por Hunosa, nel nuevu allugamientu van fabricar pieces industriales y material sanitario de manera rápida y so demanda, desaniciando asina los efectos de la crisis sanitaria.

Triditive va sentar les bases pa la fabricación na nuesa rexón d'equipos industriales d'impresión 3D, destinaos al mercáu mundial.

Tán en plenu procesu de selección pa contratar a 20 nuevos trabayadores, nel ámbitu de les cuenques mineres,con perfil alministrativu y tecnolóxicu, que van ayudar a desaniciar los efectos de la crisis sanitaria.

Gracies a una plataforma virtual van consiguir amenorgar los tiempos de suministru, collaborando coles necesidaes a nivel nacional y fabricando de forma rápida y so demanda.

Xixón foi la grana d'esta empresa, que tamién tien sede n'Estaos Xuníos. Tres esta crecedera, van treslladase a un polígonu de Siero, como centru loxísticu.