Últimu día de les bateríes de cok d'Avilés

La siderúrxica va treslladar la producción a les nueves bateríes que se construyen en Xixón

Adiós a les bateríes de cok d'Arcelor n'Avilés. Dempués de 63 años funcionando güei, 30 de setiembre, va ser el so últimu día n'activo.

Foi un zarru ordenáu, adulces, a lo llargo d'esti mes. Agora la zona va integrase nel PEPA y entama'l retu de xenerar nueva actividá. La siderúrxica va treslladar la producción a les nueves bateríes, más modernes, que se construyen en Xixón.

A Xixón van dir 50 de los 300 trabayadores afectaos pol zarru. La parada llega nel día nel que la dirección y los sindicatos d'Arcelor vuelven sentase pa negociar el conveniu marcu pa los próximos años y en metá de paraes puntuales na producción, principalmente pola cayida de los pidíos.