Daniel Sancho, condergáu a cadena perpetua pol asesinatu d'Edwin Arrieta

Los abogaos españoles de Sancho anuncien que van recurrir la sentencia

L'español Daniel Sancho foi condergáu esti xueves a la cadena perpetua tres ser atopáu culpable por un xuez de Tailandia del asesinatu antemanáu del ciruxanu colombianu Edwin Arrieta y de los otros dos delitos de los que taba acusáu.

El xuez del Tribunal Provincial de Samui (sur de Tailandia, qu'empezó a lleer el fallu a les 10.55 hora local -03.55 GMT-), alredor d'una hora dempués de qu'empezara la sesión, indicó que la condena fuera amenorgada de la pena de muerte a la cadena perpetua pola collaboración del acusáu cola investigación.

La Fiscalía tailandesa acusara a Sancho del asesinatu antemanáu d'Arrieta'l 2 d'agostu de 2023 na islla de Phangan, del so descuartizamientu y del robu del pasaporte del colombianu, delitos de los que'l xuez declaró güei culpable al español.