Asturianos en Tampa y San Agustín de la Florida prepárense pa la llegada de Milton

Lo peor del furacán va llegar de madrugada a Estaos Xuníos

En Florida, lo peor del furacán Milton va llegar nunes hores, de madrugada n'Estaos Xuníos, primer hora de la mañana n'España. El centru de Furacanes emitió un avisu de tornaos, porque yá s'empezaron a producir en delles zones del sur de la península de Florida, mientres s'espera la llegada de Milton, que baxó a categoría 4.

Dende Asturies, mírase pa les dos ciudaes hermanaes con Uviéu y Avilés: Tampa y San Agustín de La Florida. Los asturianos na zona prepárense pa pasar la nueche, asegurando les ventanes de les cases y con llinternes conscientes de que quedarán ensin electricidá.

En Tampa tán les hermanes del conceyal uvieín Jose Ramón Pando. Una d'elles tuvo qu'abandonar la so casa al tar nuna zona A, considerada d'altu riesgu. Les próximes hores van pasales en casa d'otra de les sos hermanes, con so madre, tamién en Tampa, a la espera de cómo evolucione'l furacán.