Entama la cume del clima col enfotu d'aumentar el financiamientu escontra la crisis climática

L'oxetivu, faer un mundu más verde y menguar el calentamientu global

Empieza la cume del clima. Hasta'l 22 de payares, Azerbaixán va acoyer esta cita mundial p’aldericar sobre'l cambéu climáticu.

Un centenar de xefes d'estáu y de gobiernu, ente ellos el presidente español, confirmaron la so presencia nun alcuentru que tamién va tener ausencies cimeres como la de los máximos responsables d'Estaos Xuníos, Francia, Alemaña o la presidenta de la Comisión Europea.

Aumentar el financiamientu escontra la crisis climática ye unu de los retos que se marquen. L'oxetivu, faer un mundu más verde y menguar el calentamientu global.

Na inauguración, afitóse que'l cambéu climáticu nun ye un problema del futuru, sinón del presente como amuesen, señalen, les recientes inundaciones n'España.