El Conseyu d'Europa decide rebaxar el nivel de protección del llobu, a pidimientu de la XE

Pasa de ser una especie "estrictamente protexida" al estatutu de simple especie protexida

El comité permanente encargáu de supervisar la Convención de Berna decidió esti martes aceptar la propuesta de la Xunión Europea pa rebaxar el nivel de protección del llobu, que pasa de ser una especie "estrictamente protexida" al estatutu de simple especie protexida.

Esti cambéu tien qu’entrar en vigor tres meses dempués de que s’asoleye la decisión el vienres viniente, anque d’equí a entós nun se llevaría alantre si un terciu (17) de los países que formen parte de la Convención de Berna manifestaren la so oposición, dixo’l Conseyu d’Europa nun comunicáu.

La principal novedá col cambéu d’estatutu ye que, col de protección estricta, la caza o la captura d’estos animales taba prácticamente prohibida.