Dominique Pelicot, condergáu a 20 años poles violaciones a la so exmuyer, Gisèle Pelicot

Penes d'ente 3 y 20 años pa los 51 condergaos por violación y agresión a Gisèle Pelicot

Dominique Pelicot, condergáu a 20 años de cárcel, la pena máxima, poles violaciones a la so exmuyer, Gisèle Pelicot, a la que drogó pa dexala inconsciente y abusar d'ella diez años, xunto con mediu centenar d'homes qu'atopó n'internet.

La sentencia, qu'inclúi un mínimu de cumplimientu de dos tercios d'esi periodu, foi la primera que'l Tribunal d’Aviñón emite güei escontra los 51 acusaos d'agresión sexual y violación hacia Gisèle Pelicot.

Penes ente 3 y 20 años pa los 51 condergaos por violación y agresión a Gisèle Pelicot

La penes emitíes esti xueves escontra los 51 acusaos de les violaciones y agresiones so sumisión química a Gisèle Pelicot van ente los 3 y los 20 años de prisión, col exmaríu de la víctima, Dominique, sentenciáu a la pena mayor, anque al cabu de dos tercios podría optar pola llibertá condicional.

Dellos de los acusaos coles penes menos severes tampoco tendrán d'ingresar en prisión y, polo xeneral, anque toos fueron declaraos culpables de distintos delitos, les condenes dictaes fueron inferiores a les pidíes pola Fiscalía.