La comunidá internacional manifiéstase escontra'l plan de Trump pa echar a los palestinos de Gaza

El treslláu forzosu de persones d'un territoriu ye un casu de llimpieza étnica y un crime internacional

José Manuel Albares, como titular d’Esteriores, foi l’encargáu de marcar la posición del Gobiernu español énte’l plan de Donald Trump pa espulsar a los palestinos de Gaza y tomar el control de la estaya. Albares aseguró que los gazatís tienen que siguir nuna tierra que ye de so y qu’amás forma parte del Estáu palestín pol qu’apuesta España.

Albares amiéstase a les declaraciones de cuasi tola comunidá internacional, menos Israel, que refuga que cuasi dos millones de palestinos seyan reagospiaos de forma permanente nos países vecinos.

El treslláu forzosu de persones d’un territoriu ye un casu de llimpieza étnica y por tanto un crime internacional, diz Javier González de Vega, catedráticu de Derechu Internacional Públicu de la Universidá d’Uviéu.

Los territorios palestinos medren la so probeza dempués de la pandemia y la guerra de Gaza

Dempués de la pandemia y l’actual guerra en Gaza, munchos territorios palestinos medraron la so probeza. Esti 2025 Manos Unidas del Occidente recaldará dineru p’algamar los más de 100.000 euros que necesiten pa meyorar l’hospital de Belén, un centru especializáu n’embaranzos de riesgu.

Tamién quieren comprar una clínica móvil d’atención a campamentos de refuxaos.