Asesores de la OMS encamienten la vacuna d'AstraZeneca pa persones mayores

El presidente de SAGE asegura que "la vacuna pue ser alministrada a partir de los 18 años, ensin llende d'edá máxima"

El Grupu d'Espertos p'Asesoramientu Estratéxicu (SAGE), qu'emite encamientos sobro l'usu de vacunes a la Organización Mundial de la Salú (OMS), aconseyó güei que la producida por AstraZeneca escontra la COVID s'use en persones mayores, a pesar de les duldes previes plantegaes sobro la so eficacia.

"La vacuna pue ser alministrada a partir de los 18 años, ensin llende d'edá máxima, polo que pue tamién inoculase a mayores de 65 años", señaló'l presidente de SAGE, el mexicanu Alejandro Cravioto, nuna rueda de prensa entamada pola OMS.