Esteriores trabaya na repatriación de los seis españoles, tres d'ellos muertos, n'Afganistán

Albares rellata que l'atacante disparó "mui claramente" al grupu de turistes n'Afganistán

El ministru d'Asuntos Esteriores, Xunión Europea y Cooperación, José Manuel Albares, señaló que los españoles que sobrevivieron al tirotéu socedíu ayeri, vienres, n'Afganistán vieron cómo una persona salió d'un caleyón y disparó "mui claramente" al grupu de turistes.

En total, seis españoles viéronse afectaos nel ataque na ciudá de Bamiyán, capital de la provincia homónima del centru d'Afganistán: tres morrieron, una muyer foi intervenida y tán n'estáu grave y dos salieron ilesos.

Con estos dos últimos pudo falar el ministru na mañana d'esti sábadu: "lo que me describieron rescampla que ye un ataque claru, un atentáu", rellató.

Según afitó Albares, los supervivientes vieron cómo una persona salía de lo que describen como un caleyón y disparó "mui claramente" al grupu de turistes nel que taben los seis españoles.