Los europeos prioricen en defensa y los españoles n'educación y investigación, según un Eurobarómetru

Los españoles asítiense penriba de la media comunitaria en pidir que la Eurocámara actúe escontra la esclusión social, la probeza o na creación de trabayu

Los ciudadanos españoles creen que la educación y la investigación son les principales árees que la Xunión Europea tien que priorizar a futuru pa reforzar la so posición nel mundu, mientres que la media de los europeos cree qu’esa atención tien que centrase na seguridá y la defensa, según revela un Eurobarómetru asoleyáu esti martes pol Parllamentu Européu.

Según esta encuesta fecha nel mes de xineru, un 36% de los europeos apunta a la seguridá y la defensa como la cuestión principal na que la Xunión Europea tien que centrase pa impulsar el so papel nel mundu, pero namás un 20% de los españoles comparte esi diagnósticu.

Al empar, un 40% de los españoles asitia nesa primer posición la educación y la investigación, daqué que namás fai un 23% de la media europea.