Empieza la Cume del Clima COP27, que ta marcada pola guerra y l'aumentu de desastres naturales

Medría d'ataques d'activistes escontra cuadros de museos en tol mundu

Inaugurada oficialmente la Cume del Clima COP27 que se celebra dende güei y hasta'l próximu día 16 de payares en Sharm El Sheij, n'Exiptu.

Delegaos de 190 países participen nuna nueva ronda de negociaciones de la ONU pa intentar reforzar los alcuerdos y frenar les emisiones de gas d'efectu invernaderu.

Una cume que vien precedida por nueves manifestaciones d'un clima estremu, como la seca nos países del Cuernu d'África o les inundaciones n'Afganistán.

Esta cume sobre'l cambéu climáticu vien precedida por una medría d'ataques d'activistes escontra cuadros de museos en tol mundu. Unes acciones qu'espertaron de nuevo'l debate ente ecoloxistes.

Hestóricos del movimientu n'Asturies consideren qu'estes acciones estropien la so imaxe y puen acabar tamién por estropiar de manera irreversible les obres d'arte.

Los nuevos movimientos, rellacionaos col cambéu climáticu, creen qu'estes actuaciones son necesaries pa que la sociedá se dea cuenta de que'l tiempu escosó.