Jonás Fernández, númberu 7 d'una candidatura encabezada por Teresa Ribera

L'eurodiputáu asturianu escala 10 puestos na llista del PSOE pa les europees

Diez puestos escaló na llista del PSOE pa les europees Jonás Fernández. L’eurodiputáu ocupará esta vegada’l númberu 7 d’una candidatura encabezada por Teresa Ribera.

En total son 61 nomes y l’asturianu algamó asitiase per delantre, ente otros, de la ex-ministra Leire Pajín y l’ex-secretariu d’organización del PSOE, César Luena.

Enagora la otra asturiana nes llistes europees ye Susana Solís. Hasta agora eurodiputada de Ciudadanos, Solís concurrirá esta vegada pol Partido Popular. Yá fai una selmana, anque ensin despeyar el so futuru, dexaba claro’l distanciamientu de Ciudadanos.

Solís podría participar esti fin de selmana nun actu col PP d’Asturies.