Ucraína abre seis corredores humanitarios pa refuxaos

Los refuxaos ucraínos xuben a 2,15 millones

Ucraína abrió esti miércoles seis corredores humanitarios pa la evacuación de civiles de les ciudaes dempués d’algamar un altu’l fueu nes zones correspondientes col Gobiernu rusu, mientres la cifra de los qu’escapen del país asítiase yá en 2,15 millones.

Los corredores tarán operativos ente les 07.00 y les 19.00 hores GMT, esplicó Iryna Vereshchuk, viceprimer ministra y ministra pa la Reintegración de los Territorios Ocupaos Temporalmente d’Ucraína.