Un 5% de los accidentes de tráficu tán venceyaos colos efectos de los medicamentos

Somnolencia, falta de reflexos o medría del tiempu de reacción son dalgunos de los efectos

Ún de cada tres medicamentos pue afectar a la nuestra conducción. Somnolencia, falta de reflexos o medría del tiempu de reacción son dalgunos de los efectos que podemos esperimentar.

Según la Dirección Xeneral de Tráficu, el 5% de los accidentes de tráficu tienen que ver cola toma de medicamentos. Sicasí, poca xente ye consciente del riesgu que pue suponer.

Jaime Ortega, vicesecretariu del Colexu de Farmacéuticos d’Asturies, señala que son ansiolíticos, antidepresivos, antialérxicos o fármacos pa tratar el gripe. Toos puen afectanos pa garrar el coche.

Munchos d’estos medicamentos tienen esti símbolu pa indicar precaución a la hora de conducir, y alerten sobre los efectos que puen producir.

Unos efectos que medren si acaba d’entamase’l tratamientu, o si s’amiesta con otros medicamentos o con alcohol. A la escontra, si lleven un tiempu tomándolos, pue nun afectar a la conducción.

Asina que pa evitar sustos esta ponte, meyor entrugar a los profesionales.