El CXPX escueye a la maxistrada Isabel Perelló como presidenta de la institución, primer muyer na so historia

El Gobiernu celebra'l nomamientu de Perelló y que se recupere la "normalidá" nel CXPX

El Conseyu Xeneral del Poder Xudicial (CXPX) escoyó a la maxistrada Isabel Perelló como presidenta de la institución y del Tribunal Supremu, la primer muyer en tola so historia.

Con 16 votos, Perelló, maxistrada de la Sala de lo Contencioso Alministrativo del altu tribunal y afiliada a la progresista 'Jueces y Juezas para la Democracia', impúnxose na votación a la tamién progresista Ana Ferrer y que’l so nome yera rechazáu dafechu polos vocales conservadores. Según informen fontes xurídiques, les dos partes cedieron pol bien de la institución.

Termina asina’l bloquéu al que se viere sometida la elección de la presidencia y failo a dos díes de l’apertura del Añu Xudicial, polo que s’evita que l’órganu de gobiernu de los xueces nun tea representáu oficialmente nel actu que preside’l rei.