El Gobiernu repartirá 15 millones a les ganaderíes afectaes pola enfermedá hemorráxica

Amiéstense al más de millón d'euros aprobáu yá pol gobiernu del Principáu p'ayudar a los ganaderos

El ministru d’Agricultura, Pesca y Alimentación, Luis Planas, dio anuncia d’un paquete de 15 millones d’euros a distribuyir poles comunidaes autónomes p’ayudar a les ganaderíes afectaes pola Enfermedá Hemorráxica Epizoótica (EHE) y a la prevención de la patoloxía.

En declaraciones a los medios de comunicación enantes de dir al plenu del Senáu, el ministru avanzó qu’esti sedrá ún de los anuncios que treslladará a les comunidaes autónomes esta tarde na celebración telemática de los conseyos consultivos colos conseyeros d’Agricultura.

Piénsase que’l Gobiernu apruebe la selmana qu’entra’l decretu coles bases d’estes ayudes pa salvar "los estrozos producíos pola EHE, que podrán aplicase pa complementar les ayudes autonómiques o bien pa financiar les vacunes escontra esta enfermedá".