Los adelantamientos son el tercer factor de riesgu pa sufrir un accidente na carretera

Un 30% de los conductores adelanta en llinia continua y la metá pasa la velocidá

L’adelantamientu ye ún de los principales factores qu’influyen na siniestralidá en carretera. A pesar d’ello, 8,3 millones de conductores (cuasi un terciu del total) reconocen adelantar en llinia continua y otros 13,6 millones (49%) sobrepasaron les llendes de velocidá al facer esta maniobra.

Amás, siete de cada diez aseguren sentise acosaos nun adelantamientu y dos de cada tres dicen vivir una situación de riesgu nuna d’estes acciones.

Son dalgunes de les conclusiones del estudiu “Los conductores españoles ante el adelantamiento en carretera convencional: accidentalidad y percepción (2013-2022)”, fechu pola Fundación Línea Directa en collaboración cola Fundación Española pa la Seguridá Vial (Fesvial), presentáu esti miércoles.