Un terciu de la población infantil d'ente seis y nueve años tien escesu de pesu

La meyoría na evolución del escesu de pesu na infancia nun algama a les rentes más baxes

Un terciu de la población infantil d’ente seis y nueve años tien escesu de pesu, según l’estudiu Aladino 2023, del que se presentó güei l’avance de resultaos. Son cifres meyores que les del últimu estudiu, fechu va cuatro años.

El númberu d’escolinos obesos baxó en dos puntos y tamién menguó en tres puntos el porcentaxe de neños con sobrepesu.

Sicasí, esa meyora de la evolución del escesu de pesu infantil nun se vio nes families con rentes más baxes. La prevalencia de la obesidá y el sobrepesu son más altes en families con rentes menores a los 18.000 euros, mientres que los neños con pesu consideráu normal concéntrense en families con rentes superiores a los 30.000 euros.

L’estudiu, qu’analizó los vezos alimenticios y d’actividá física de cuasi 13.000 neños, afita que menos de la metá come fruta caldía, menos d’una cuarta parte come verdura caldía y cuasi un 4% bebe polo menos tres refrescos a la selmana.

El ministru de Derechos Sociales amosóse güei satisfechu cola mengua na media de la prevalencia del sobrepesu infantil, pero alvirtió qu’esta meyoría tien que’algamar a les families más vulnerables.