Aprobada la financiación pública de dos fármacos pal cáncer de mama metastásicu

"Güei ye'l día más feliz, por mi y por toes" asegura Victoria Rodrigo, con cáncer de mama metastásicu

La Comisión Interministerial del Preciu del Medicamentu (CIPM) aprobó esti xueves la financiación de los fármacos Enhertu y Trodelvy destinaos a pacientes con cáncer de mama metastásicu, recomendaos por Europa y qu’amosaron la so eficacia y un promediu de 23 meses de supervivencia, informaron fontes de la xunta.

Cola autorización d’estos fármacos dase rempuesta a una reivindicación histórica d’estes pacientes que vieron como la CIPM refugaba hasta en cuatro vegaes (tres esti mesmu añu) la propuesta de financiación de los fármacos alegando criterios económicos.

Por ello, les pacientes entamaron un movimientu pa visibilizar la necesidá d’estos tratamientos, que se resumió nun lema que ficieron viral nun videu: "Ensin tratamientu, morremos".

Amás, esti movimientu de pacientes entamó una campaña en Change.org que suma yá más de 150.000 robles.