Los coches SUV suponen yá un 15% de los vehículos qu'hai n'España

Dellos espertos sollerten de que puen convertise nun problema pa la habitabilidá de les ciudaes

Los coches que mercamos son cada vez más grandes. L’anchor mediu de los vehículos creció 2,5 cm en namás 5 años. Un enclín, sollerten los espertos, que podría poner en riesgu l’habitabilidá de les ciudaes, ensin places d’estacionamientu adaptaes pa ello señala María Sanfeliz, directora de marketing d’EasyPark.

Esta llamada "autobesidá" podría afectar tamién al nuesu bolsu. Delles ciudaes europees, como París, van empezar a cobrar l'aparcamientu en función del tamañu y pesu de los coches. Una midida que, creen, nun vamos tardar en ver nel nuesu país.

Pa encarar esti retu son necesaries, dicen, infraestructures afayadices pa la xestión del tráficu. N'España, los SUV suponen yá'l 15% del total de vehículos, superando los 5 millones d'unidaes.