CCOO y UXT convoquen siete xornaes de paros nel tresporte per carretera

La primera de les xornaes de fuelga ta prevista pal 28 d'ochobre

CCOO y UXT dieron anuncia esti llunes de la convocatoria de siete xornaes de paru nel tresporte per carretera, tanto nel de mercancíes como nel de viaxeros. La primera d’elles ta prevista pal 28 d’ochobre.

Nuna rueda de prensa a comuña, representantes de los dos sindicatos xustificaron la convocatoria pola precaria situación d’estos profesionales, qu’influye na salú de los conductores y nos accidentes, que "nun son de tráficu, sinón de trabayu".

La primera de les xornaes de paru sedrá’l 28 d’ochobre, siguida del 11, 28 y 29 de payares; 5 y 9 d’avientu y yá dende’l 23 d’esi mes, la fuelga sedrá indefinida.