El Supremu avala que les comunidaes veten l'arriendu turísticu por mayoría de tres quintos

El Colexu d'Alministradores de finques d'Asturies señalen la importancia d'esti fallu

El plenu de Tribunal Supremu dictó dos sentencies nes que declara que les comunidaes de propietarios puen prohibir l'actividá d'arriendos turísticos por aciu d’alcuerdos adoptaos en xunta por mayoría de tres quintos.

En dos sentencies fechaes el pasáu 25 de setiembre a les que tuvo accesu Efe, la Sala pronuncióse per primer vegada sobre'l decretu de 2019 de midíes urxentes en materia de vivienda y arriendu.

Lo qu'esclarió'l Supremu ye si la prohibición de les actividaes turístiques descrites na Llei d'Arrendamientos Urbanos (LAU), ha d'adoptase por mayoría de tres quintos o por unanimidá de los propietarios.