Cuarenta organizaciones sociales salen a la cai pa reivindicar l'accesu a una vivienda digna

Multitudinaria manifestación pel centru de Madrid pa pidir una baxada d'hasta un 50% nel preciu de los alquileres

Miles de persones xuntáronse esti domingu na contornada de la madrilana estación d’Atocha pa sofitar la manifestación, convocada pol Sindicatu d’Inquilines y cuasi 40 colectivos más, que busca qu’haya una baxada del 50% nel preciu de los alquileres.

Anque l’entamu de la manifestación, que lleva por lema 'Acabóse. Baxemos los alquileres' y que se convoca como posible antesala d’una fuelga d’alquileres, taba programáu pa les 12:00, la multitú entamó unos minutos más tarde a caminar dende Atocha hasta Cibeles.

'Madrid sedrá la tumba del rentismu', 'Madrid' yá nun aguanta, Madrid se llevanta' o 'Los caseros róbennos el sueldu' son dalgunos de los cánticos que se sentieron nesta convocatoria na que tamién se pide la dimisión de la ministra de Vivienda, Isabel Rodríguez.