El PP diz qu'una moción de censura nun ta güei na so axenda tres querellase escontra'l PSOE

Sánchez, al PP: "Cuando nun se tien nada qu'ufiertar, el ruíu ye lo único que queda"

El Partido Popular presentó una querella escontra'l PSOE na Audiencia Nacional por presuntos delitos de financiamientu illegal y tráficu d'influencies, al empar que refugó qu'una moción de censura escontra Pedro Sánchez tea "güei" na so axenda pola ausencia de sofitos parlamentarios.

La formación d'Alberto Núñez Feijóo pidió amás el sofitu del restu de formaciones polítiques, incluyíu'l PSOE y los sos aliaos, pa cambiar l'orde del día del próximu plenu del Congresu y convertir la sesión de control al Executivu nun monográficu sobre la presunta corrupción qu'afecta al PSOE y al Gobiernu.

El voceru del PP, Borja Sémper, foi esti llunes a l'Audiencia Nacional a interponer la querella escontra'l PSOE y punxo voz a la ofensiva xudicial y política que los populares anunciaron tres l'informe de la UCO qu'apunta al exministru de Tresporte José Luis Ábalos y tres informaciones periodístiques sobro bolses de dineru llevaes a la sede de Ferraz.

El presidente del Gobiernu, Pedro Sánchez, aseguró esti llunes que’l so Executivu “va responder al ruíu" con "un proyectu de país que funciona" y llanzó un dardu al PP: "Cuando nun se tien nada qu'ufiertar, el ruíu y la polarización ye lo único que queda".