El Gobiernu da un impulsu al reglamentu pa regular los alquileres y persiguir el fraude

Rodríguez pide a les comunidaes axilidá nel Bonu del Alquiler

El Gobiernu sacó n’audiencia pública’l Proyectu de Real Decretu que crea la Ventaniella Única Dixital pa regular los alquileres de temporada, turísticos y d’habitación, que s’espera que tea preparáu enantes de qu’acabe l’añu, y que conlleva un rexistru enantes ensin el que nun se podrán comercializar.

Amás, aprobó la distribución territorial de los 200 millones d’euros pa la tercer edición del Bonu Alquiler Mozu, too ello nel primer Conseyu de Ministros dempués de les manifestaciones d’esti domingu pidiendo una baxada de los precios del alquiler.

La ministra de Vivienda y Axenda Urbana, Isabel Rodríguez, avanzó na rueda de prensa de dempués que vendrán más midíes porque’l Gobiernu nun va parar hasta dar solución al problema que tienen miles de persones nel país, un problema tresversal pal que se van poner tolos recursos, la disposición y la determinación pa salvalo.