El Congresu da por aprobada definitivamente la llei d'antecedentes devuelta pol Senáu

La llei dexará la salida anticipada de prisión de dalgunos etarres

El Congresu de los Diputaos dio por aprobada la llei d’antecedentes penales que dexará la salida anticipada de dalgunos etarres de prisión y nun la volverá a votar como pidió esti llunes el Senáu, que consideraba que’l refugu por mayoría absoluta de la Cámara Alta al testu equivalía a un vetu.

La Mesa del Congresu tomó esta decisión col votu a la escontra del PP y dempués de sentir a los servicios xurídicos de la Cámara, según informaron fontes parllamentaries, qu’amestaron que la norma diba unviase al Boletín Oficial del Estáu (BOE) pal so asoleyamientu.

El presidente del Senáu, Pedro Rollán, dio anuncia esti llunes, dempués de la votación a la escontra del plenu a la citada llei, de qu’entendía esi refugu por mayoría absoluta como un vetu y poro, devolvíase al Congresu, decisión avalada por un informe de los lletraos de la cámara alta.