El PP vaticina una agonía xudicial a Sánchez, que contraataca col so historial de corrupción

Sánchez, sobre'l casu Koldo: "Ye un casu de corrupción que llamento y pido disculpes"

El PP cargó esti miércoles nel Congresu escontra’l Gobiernu pol casu Koldo y pronosticó una "agonía xudicial" al presidente, Pedro Sánchez, que, xunto a los sos ministros, contraatacaron col historial de los casos de corrupción de los populares.

Sánchez defendió que tanto’l Gobiernu como’l PSOE responden "con contundencia" a los casos de corrupción que-yos afecten y recordó que "non tolos partíos son iguales", porque "nel PSOE’l que la fai págala" y nel PP "cuando se denuncia un casu de corrupción, tápase".

Nel so cara a cara col líder de la oposición, Alberto Núñez Feijóo, el xefe del Executivu convidólu a "tapase un poco" porque, dixo, "de l’A d’Ayuso a la Z de Zaplana tienen un casu de corrupción pa cada lletra del abecedariu".