El nuevu mapa de concesiones de llinies d'autobús acortará los viaxes p'Asturies

El Principáu asegura que la reordenación nun causará problemes

El Ministeriu de Tresportes y Movilidá Sostenible ta trabayando coles comunidaes autónomes nun nuevu mapa concesional de llinies d’autobús que supón “importantes meyores nos tiempos de viaxe” nes rutes que pasen per Asturies.

Nuna nota de prensa espardida esti xueves, el Ministeriu detalló que la reordenación del mapa ye “el resultáu del análisis de les rutes como tán diseñaes agora” y inxerta la propuesta de treslladar la xestión de paraes onde se detectó un baxu númberu d’usuarios a los Gobiernos autonómicos, porque la movilidá interna dientro de les llendes territoriales ye de la so competencia.

Según los datos del Ministeriu, n’Asturies nueve paraes tuvieron menos d’un pasaxeru interautonómicu al día en 2019, de mou que los tráficos que faen dende eses paraes son fechos pola rede de tresportes del Gobiernu del Principáu.