La Sociedá Española de Reumatoloxía llanza una campaña pa prevenir la osteoporosis

Una de cada 10 persones mayores de 50 años carez osteoporosis

Una de cada 10 persones mayores de 50 años carez osteoporosis. Amuésalo l'últimu estudiu de la Sociedá Española de Reumatoloxía espublizáu güei por mor del Dia Mundial d'esta dolencia.

Ye muncho más frecuente ente les muyeres. Carécenlu más del 18% frente a más al 2,6% de los homes. L'estudiu detectó un enclín esmolecedor: cada vez ye más frecuente ente los menores de 50 años por llevar lo que los médicos denominen vezos poco saludables pal güesu.

Ye importante evitar el sedentarismu, la polución y l’estrés y fundamental esponese a la lluz del sol de manera avezada y consumir lácteos.

Coles mires de favorecer la prevención y garrar vezos saludables, la Sociedá de Reumatoloxía llanzó la campaña ‘Loco por mis huesos'. Ente los conseyos: nin fumar, nin consumir alcohol por demás y llevar una dieta mediterránea qu'incluya un consumu afayadizu de calciu y vitamina D.

Los médicos tamién encamienten programes d'exerciciu físicu adaptaos a cada persona dos o tres díes a la selmana.