La dana castiga sobre manera'l Sur y el Levante

Hai tres desapaecíos y un AVE escarriláu

La dana sobre España, qu'anubre sobre manera'l sur y l'este de la península ibérica, ta provocando inundaciones, cortes de tráficu, cultivos estrozaos y inclusive l'escarrilamientu d'un convói del AVE, mientres que se busca a un camioneru que desapaeció en L'Alcudia (Valencia) y a dos trabayadores municipales tres les fuertes lluvies en Letur (Albacete).

Amás, Adif informó de que'l tráficu ferroviariu de la llinia d'alta velocidá que xune Madrid y Valencia foi atayáu por Adif énte la situación meteorolóxica, mientres que'l serviciu de trenes ente Valencia y Barcelona ta atayáu pola cayida d'un camión a les víes y poles fuertes lluvies.

Pela so parte, Aena señaló que yá son dolce los vuelos esviaos y diez los cancelaos nel aeropuertu de Valencia.