Tensión, insultos y indignación nel pueblu de Paiporta na visita de los reis

Sánchez refuga cualquier tipu de violencia y diz que nun s'esviará del oxetivu de salvar vides

El quintu día de la dana tuvo marcáu pola tensión y indignación de decenes de persones en Paiporta, que recibieron con gritos de 'fuera' y con llanzamientu de folla a la comitiva de los reis, na que tamién taben el presidente del Gobiernu, Pedro Sánchez, y el de la Generalitat valenciana, Carlos Mazón.

Cientos de voluntarios y vecinos atayaron les xeres de llimpieza de les cais y suétanos al ver llegar a la comitiva con repitíos gritos de "fuera, fuera" y el llanzamientu de folla, qu'algamó a los reis y al restu d'autoridaes.

Nun momentu dau, al empiezu de la visita y ente gritos de "asesinos", viose cayer un palu d'escoba o de pala cabo la zona onde taba'l presidente Sánchez y, a partir d'esi momentu, foi arrodiáu pol so equipu de seguridá.

El presidente del Gobiernu, Pedro Sánchez, aseguró que l'Executivu nun se va esviar del principal oxetivu, que ye salvar vides y recuperar los calabres de los muertos pola dana, refugando "cualquier tipu de violencia" como la vivida en Paiporta y que calificó de "marxinal".