Salú alvierte de los riesgos del agua enllancao nos próximos díes

El principal riesgu, les enfermedaes gastrointestinales

La contaminación del agua pola presencia de calabres nun ye un problema de salú anguaño. Asina lo expresó Sanidá qu'esclarió que nun esiste evidencia científica sobre ello.

El principal riesgu que se presenta agora, sobre manera nel agua enllancao, son les enfermedaes gastrointestinales.

Por ello encamienten tomar midíes de seguridá personales como l'usu de guantes y el llaváu de manes frecuente.

Amás, dende los Conceyos, encamentaron que nun s'eche la folla al alcantarelláu, estos podríen producir bloqueos y provocar la salida d'agua negro a la superficie.

Pero esti nun ye l'únicu riesgu, según pasen los díes, los mosquitos puen convertise n'otru vector de tresmisión d'enfermedaes.

Tamién recuerden faer usu de ropa que cubra les estremidaes pa evitar feríes causaes por oxetos ocultos, y afiten dir a curase si esto socede.