Declarada zona catastrófica Valencia y otros territorios afectaos pola dana

El Gobiernu aprueba 10.600 millones d'euros n'ayudes urxentes a afectaos pola dana

El Conseyu de Ministros aprobó esti martes la declaración de zona gravemente afectada por una emerxencia de protección civil pa Valencia y el restu de territorios golpeaos, lo que facilitará la entrega d’ayudes a los damnificaos pola catástrofe, anunció’l presidente del Gobiernu, Pedro Sánchez.

Na so intervención, Sánchez faló del Plan de Rempuesta Darréu de Reconstrucción y Rellanzamientu de la Comunidá Valenciana, con tres fases: la primera, d’actuación darréu y urxente, una segunda de reconstrucción de zones afectaes y la última de rellanzamientu y tresformación de los territorios afectaos.

"Esti plan ye necesariu p’adaptar el territoriu a la emerxencia climática que ta afectando al nuestru queríu Mar Mediterraneu", aseguró Sánchez.