Menos d'un 6% de les pymes españoles usaben la IA nos sos negocios

Xornada nacional sobre tresformamientu dixital de les pymes n'Avilés

L'usu de la intelixencia artificial (IA) va ser una inversión clave al curtiu plazu nel tresformamientu dixital de les pymes asturianes. Ye lo qu’aseguren dende Fundae y el SEPE nel eventu Universidá Pyme Asturies entamáu n'Avilés, onde l'usu d'estes aplicaciones aseguren pue aforrar costos y tiempos de respuestes al llargu plazu.

Una tecnoloxía qu'en 2023 usaron solo'l 5,9% de les pymes españoles. Los espertos dicen que nun se quier sustituyir a los humanos, porque estos son más granibles usando la intelixencia artificial.

Dende'l SEPE n'Asturies creen que pue ser una nueva fonte de xeneración d'empléu. Y xustifíquenlo con exemplos prácticos como'l del ponente vascu Álex Rayón, qu'usa aplicaciones ChatGPT pa dixitalizar les factures de la so empresa.

Rayón asegura que la clave del ésitu ta en saber qué ferramienta usar pa cada procesu y nuna convivencia ente lo qu'él llama intelixencia dixital y la biolóxica.