El ministru de Política Territorial, Ángel Víctor Torres, reclamó esti miércoles unidá y nun convertir lo que pasó cola dana nun instrumentu políticu, en metá de reproches col PP pola xestión de la traxedia y a la espera del momentu nel que se falará de responsabilidaes.
Torres fizo esi pidimientu na so comparecencia énte’l plenu nel que detalló la cronoloxía de lo que pasó na Comunidá Valenciana y nel que nun tuvieron presentes nin el presidente del Gobiernu, Pedro Sánchez, nin el líder del PP, Alberto Núñez Feiejóo.
Si na so intervención inicial el ministru llamó a un pactu d’Estáu pa preparar a España énte los efectos del cambéu climáticu y apelló a la responsabilidá pa que la traxedia nun se convierta nun instrumentu d’usu políticu, na so réplica a les intervenciones de los grupos recalcó les llamaes a la unidá.
© 2025 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL