Miles d'evacuaos, trenes suspendíos y inundaciones por una dana que dexa lo peor en Málaga

La llena del ríu Vélez obliga a desallugar dos cámpines y un nucleu chabolista

Miles de desallugaos, clases y tresportes suspendíos, cases y cais inundaes y hasta un bastiáu marín son dellos efectos de la nueva dana que caltién n'alerta colorada (riesgu estremu) a les provincies de Valencia, Tarragona y Málaga, con una descarga na ciudá andaluza que nun se conocía en 35 años.

Nun hebo pel momentu daños personales por estes nueves lluvies, que lleguen 15 díes dempués de la dramática dana del 29 d'ochobre, que barrió sobre manera la provincia de Valencia y que dexó más de 220 muertos.

Precisamente en Valencia, l'Axencia Estatal de Meteoroloxía (Aemet) xubió a nivel coloráu l'avisu por lluvia na costa norte y sur de la provincia a partir de les 21 hores d'esti miércoles y hasta’l mediudía del xueves, con acumulaos que puen llegar a 40 llitros per metru cuadráu nuna hora, 180 l/m2 en dolce hores.