El Gobiernu salva parte del so paquete fiscal nel Congresu dempués d'ocho hores de caos

El PSOE algamó aprobar les sos propuestes pa gravar a los vapeadores, xubir l'IVA a los apartamentos turísticos o lluchar escontra'l fraude de los hidrocarburos

La Comisión de Facienda del Congresu vivió esti llunes una sesión caótica, marcada pol desconciertu, la confusión y los continuos descansos, lo que la allargó más d’ocho hores, hasta cuasi la una de la nueche, con un xiru de guión inxertu que dexó al Gobiernu salvar, polo menos hasta’l xueves viniente, parte del so paquete fiscal.

L’equilibriu imposible que l’Executivu llevaba intentado algamar delles selmanes pa sacar alantre les sos midíes fiscales col sofitu de grupos qu’esixen condiciones contraries, como ERC y Junts per Catalunya, yá fizo que la comisión fuere aplazada dos vegaes enantes d’aconceyar güei.

Dende l’entamu de la sesión, reinó l’ambiente de descontrol, con diputaos que salíen y entraben de la sala falando per teléfonu y intercambiándose papeles, mientres otros quexábense de que nun sabíen nin qué diben votar, ente ellos los voceros d’ERC y EH Bildu.