Consumu sanciona con 179 millones d'euros a cinco aerollinies por práctiques abusives

Ryanair va apellar la multa de Consumu, que tacha d'illegal y inventada por razones polítiques

El ministeriu de Consumu de Pablo Bustinduy sancionó por un importe de 179 millones d'euros a cinco aerollinies (Ryanair, Vueling, Easyjet, Norwegian y Volotea) por práctiques abusives, como cobrar suplementos pol equipaxe de mano o por acutar asientos p’acompañar a persones dependientes.

La sanción más elevada ye pa Ryanair con 107.775.777 euros, siguíu de Vueling, con 39.264.412; Easyjet, con 29.094.441; Norwegian, con 1.610.001 euros, y Volotea con 1.189.000 euros, según fontes del ministeriu.

Ye la primer ocasión que se da firmeza a sanciones calificaes como mui graves por parte de l'Alministración Xeneral del Estáu nel ámbitu de consumu. El so ministeriu garró competencia sancionadora en xunu de 2022.