El Gobiernu quita credibilidá a Aldama

Bolaños y Montero afiten que l'empresariu ta acusando ensin pruebes

Víctor de Aldama afirmó énte'l xuez que pagó comisiones n'efectivo a altos cargos del PSOE, como l'exministru José Luis Ábalos, o al númberu tres del partíu, Santos Cerdán. Y que la semeya que tien con Pedro Sánchez foi porque ésti quería velu p'agradece-y el so trabayu. Afirmaciones que güei conseñaron como mentira la Vicepresidenta Montero y el Ministru Bolaños.

Anueche, a la so salida de prisión, Aldama aseguraba que va presentar pruebes.

Dende'l Partido Popular dan credibilidá a la declaración del empresariu énte l'Audiencia Nacional, consideren que sigue la llinia de les investigaciones feches pola UCO, y que por eso quedó en llibertá. La secretaria xeneral de los populares, Cuca Gamarra, afitó que Feijóo nun va impulsar una moción de censura si nun tien los votos necesarios pa que vaya alantre.

Per otru llau, nenguna esmolición causó la declaración de Víctor de Aldama nel gobiernu asturianu. Asina contestó'l voceru, Guillermo Peláez, al ser preguntáu poles acusaciones llanzaes ayeri pol empresariu.