Namás el 11% de les persones con VIH n'España cúntenlo públicamente

La campaña Famosu InVIHsible naz col envís d'acabar col estigma

Piénsase que n’España hai unes 150.000 persones con VIH, pero’l 81% d’elles nun lo cunten por mieu al refugu. Un estudiu pon de manifiestu l’estigma qu’entá hai na sociedá y que provoca discriminación. Cuasi’l 8% de la población cree que la llei tendría qu’obligar a que, en dellos llugares, les persones con VIH tuvieren separtaes

Actitúes xeneraes, dicen, por desconocimientu de que’l virus namás se tresmite per vía sexual, sanguínea o de madre a fíu. Y tamién por falsos mitos y prexuicios.

Va 43 años que se rexistró’l primer casu de VIH y, dende entós, nengún personaxe públicu cuntó que lo tien.

La campaña Famosu InVIHsible naz col envís d’acabar col estigma.