La ONCE apurre'l cupón conmemorativu del 25P, de manera simbólica, a la Policía Nacional

Lleva por lema 'Ni una menos' y van distribuyise cinco millones de cupones

El cupón especial de la ONCE del llunes 25 de payares lleva por lema 'Ni una menos' y van distribuyise cinco millones de cupones.

Presentóse esta mañana n'Uviéu, na delegación del ONCE n'Asturies y foi apurríu de manera simbólica a la Policía Nacional.

Con esti xestu la ONCE quier poner en valir el programa VioGén de la Policía. Van ser 5 millones de cupones los que van entrar en circulación.

Cada añu'l Grupu Social ONCE incorpora a más de 100 muyeres con o ensin discapacidá, víctimes de violencia de xéneru.