Sánchez da anuncia d'un tercer paquete d'ayudes a afectaos pola dana de 2.274 millones

El presidente reprocha a PP y Vox les sos falsedaes sobre la dana porque'l Gobiernu cumplió

El presidente del Gobiernu, Pedro Sánchez, dio anuncia de qu’esti xueves el Conseyu de Ministros aprobará, nuna xunta estraordinaria, el tercer paquete d’ayudes pa los afectaos pola dana de Valencia por valor de 2.274 millones d’euros.

Esti nuevu paquete completa el plan de rempuesta en tres fases del Gobiernu, del qu’hasta agora movilizáronse n’ayudes, creitos y inversiones 14.373 millones d’euros, colo que’l dineru total xube a 16.600 millones.

Sánchez, que compareció esti miércoles nel Congresu pa dar cuenta de la xestión del Executivu nesta catástrofe, destacó, ente les 60 midíes que s’aprobarán mañana, un plan pa l’anovación del parque automovilísticu estrozáu pola Dana con una dotación inicial de 465 millones d’euros, que dexará a los ciudadanos que necesiten comprar un vehículu recibir una ayuda directa d’hasta 10.000 euros.