L'alumnáu asturiano de primaria, a la cabeza en conocimientu de matemátiques y ciencies

España, a la cola en matemátiques y ciencies al entamu de la ESO

L’alumnáu asturiano de primaria asítiase a la cabeza n’España en conocimientu de matemátiques y de ciencies, según reflexa l’Estudiu Internacional de Tendencies en Matemátiques y Ciencies TIMMS 2023.

En concreto, l’alumnáu asturiano ye’l primero en rendimientu en ciencies y el segundo en matemátiques, y amás supera la media nacional y la de la Xunión Europea (XE) nes dos competencies.

El Principáu participó per tercer vegada nesta evaluación, que se desendolca en 72 países, cola participación de 874 estudiantes de 4 cursu matriculaos en 50 colexos.

Anque n’otros países tamién l’alumnáu de 2 de Secundaria sométese al procedimientu, n’España namás s’aplica en Primaria.

L’informe afita que los estudiantes asturianos algamaron la meyor calificación de toles comunidaes participantes, con 528 puntos, 24 más que la media española, 15 penriba de la XE y dos sobre la OCDE.

En competencia matemática, l’alumnáu asturiano quedó segundo na clasificación per comunidaes autónomes, con 520 puntos, a dos puntos de Castiella y Lleón.

Esta puntuación ye 22 puntos superior a la media nacional y 6 superior al promediu de la XE, mientres que se queda a 5 de la media de la OCDE.